2019 Saal mein Goals set karneka naya tareeka.

Tagda Karan hona chahiye

Koi bhi goal set karne se pehle aapke paas ek tagda karan hona chahiye. Samajlo apko weight loss karna hai aur aap kehte ho ki mujhe new year me 25 kilo weight kam karna hai toh is mein ye possibility hai ki aap jaldi quit kar doge, Par agar aapke paas koi tagda karan ho,

Jaise manlo aapko aapke shadi ke liye fit dikhna hai ya phir doctor ne suggest kiya hai ki agar aap weight kam nahi karoge toh apko heart attack ke chances jyada hai. So ye cheez bohot important hai ki aapke paas Goal set karne ke peeche koi tagda karan hona chahiye.

Ek Paper pe apne Goals likhiye

Yeh step bohot important hai ki aap apne goals paper pe likhe  aur aapke goals specific hone chahiye Jaise agar aapko weight loose karna hai toh paper pe likho ki mujhe 5kg weight kam karna hai aur roz subah usse padhe. Agar aap goals paper par nahi likhte ho toh woh sirf ek khwab bankar reh jayega. Agar apko gym jakar push ups lagane hai aur aap ko aalas aa raha hai toh aap bahana banakar taal doge par agar aapne paper pe likha hai with specific reason ki aapko Fit kyun rehna hai toh aap woh goal jaroor achieve karoge. Toh aap bina bahana banaye self motivated hokar gym jaoge.

Deadline rakhna

Aap joh bhi goals set kar rahe ho toh woh goal ke liye ek deadline set karo, agar aap aisa karte ho toh uss goal ke liye aapki priority badh jayegi. 

For example, agar aapka goal 5kg weight kam karna hai aur aap deadline nahi rakhte ho toh ye possibility hai ki aap woh goal pura karne me 1 ya phir 2 saal bhi lagado.

Par agar aap apne goal ke prati ek deadline set karte ho jaise, kisi particular date tak ya fir within 60 days mujhe 5 kg loose karna hi hai toh jaise jaise date nazdik aayega aap woh cheez par jyada dhyan doge.

Measuring and Revise

Har week apne goals ko measure kare agar apka goal weight loss karna hai toh har week measure kare aur agar aapke weight mein koi change nahi hoo raha hai toh aapko method change karna padega jaise cardio jyada samay talak kare ya phir aap new diet implement kare.